Գլխավոր/Տուր փաթեթներ Վրաստան/Դիմավորեք Սուրբ Զատիկը Վրաստանում

Դիմավորեք Սուրբ Զատիկը Վրաստանում

Սուրբ Զատիկ

Օր 1

Հինգշաբթի -Թբիլիսի- Սուրբ Երրորդության տաճար

Ժամանում Թբիլիսի ժամը 15:45

Դիմավորում օդանավակայանում և տրանսֆեր դեպի հյուրանոց: Այնուհետև ուխտավորները կմասնակցեն երեկոյան աղոթքին Սուրբ Երրորդության եկեղեցում: Վերջինս Վրաստանի ուղղափառ եկեղեցու գլխավոր մայր տաճարն է, որը գտնվում է Թբիլիսիում: Տաճարից բացվում է հրաշալի տեսարան դեպի քաղաք:

Ընթրիք և գիշերակաց Թբիլիսիում:

Օր 2

Ուրբաթ – Թբիլիսի, Կախետի / Շուամտա/ Ալավերդի

Նախաճաշից հետո խումբը կմասնակցի առավոտյան աղոթքին Սիոնի եկեղեցում: Վերջինս Թբիլիսիի պատմական գլխավոր տաճարն է, որն իր անվանումը ստացել է Սիոն սարից: Գտնվում է Քուռ գետի ափին` քաղաքի պատմական կենտրոնում: Կրելով Սիոնի անվանումը` եկեղեցին տարբերվում է Վրաստանի այլ տաճարներից:

Սիոնի մայր տաճարն այցելելուց հետո խումբն ընթրում է և ուղևորվում Կախետի:

Կախետին հարուստ է եկեղեցիներով, մենաստաններով և ճարտարապետական հուշարձաններով: Հին ու Նոր Շուամթան Կախետիի կարևորագույն երկու ճարտարապետական հուշարձաններն են, որոնք դասվում են 5-րդ դարի կոթողներին: Թելավիի ճանապարհին խումբը կայցելի Ալավերդի մենաստանը (11-րդ դար) և Իկալտո ակադեմիան (6-12-րդ դ.):

Ընթրիք և գիշերակաց Թելավիում:

Օր 3

Շաբաթ - Բոդբե/Սիգնագի/Դավիթ Գարեջի/ Թբիլիսի

Նախաճաշից հետո խումբը կուղևորվի դեպի Բոդբեյում գտնվող մենաստան (4-րդ դար): Այստեղ գտնվում են Վրաստանի լուսավորիչ Սուրբ Նինայի մասունքները, ով մահացել է 347թ.-ին 67 տարեկանում:

Մենաստանից դեպի հյուսիս-արևելք գտնվող կիրճում գտնվում է ս.Նինայի անունով կոչվող աղբյուրը, որից հոսող ջուրը բուժիչ հատկություն ունի: Մոտակայքում կառուցված է բաղնիք և փոքրիկ եկեղեցի` ս.Նինայի ծնողների` ս.Զավուլոնի և Սուսաննայի պատվին:

Բոդբեին հարակից տեղակայված է Սիգնագի քաղաքը (17-րդ դար), որտեղից հրաշալի տեսարան է բացվում դեպի Կովկասյան լեռներ:

Հաջորդ այցելության վայրը 6-րդ դարում կառուցված վրացական քարանձավային եկեղեցիների համալիրն է: Վերջինս գտնվում է Թբիլիսիից դեպի հարավ-արևելք` 60կմ հեռավորության` վրացական-ադրբեջանական սահմանի վրա:

Դավթի անվանմբ հնագույն մենաստանը հիմնվել է սիրիացի ճգնավոր Դավթի կողմից, ով բնակվում էր Գարեջա քարանձավում տասներեք այլ սիրիացի հայրերի հետ:

Այնուհետև խումբը կվերադառնա Թբիլիսի և կդիմավորի Սուրբ Զատիկը Վրաստանի ուղղափառ եկեղեցու գլխավոր մայր տաճար Սուրբ Երրորդություն եկեղեցում:

Վերադարձ դեպի հյուրանոց: Ընթրիք: Հանգիստ:

Օր 4

Կիրակի-Մցխետա/Ջվարի/Սվետիցխովելի/Գորի/Բակուրիանի

Ուղևորություն դեպի Մցխետա` Վրաստանի հնագույն մայրաքաղաք: Ջվարի մենաստան-տաճարի այցելություն:

Ջվարին Վրաստանի ճարտարապետական գլուխգործոցներից է, ինչպես նաև Համաշխարհայի ժառանգության առաջին հուշարձանը Վրաստանում: Այն գտնվում է լեռան գագաթին` Քուռ և Արագվի գետերի միաձուլման վայրում: Կառուցվել է 7-րդ դ. -ում` 605-642թթ.:

Սվետիցխովելին Մցխետայում վրացական ուղղափառ եկեղեցու հայրապետական տաճարն է, որը դասվում է Համաշխարհային ժառանգության հուշարձանների թվին:

Այնուհետև ուղևորություն դեպի Գորի: Խումբը կայցելի Ուպլիսցիխե ամրոց-քաղաքը: Վերջինս հնագույն քարանձավային քաղաք է, Վրաստանի առաջին քաղաքներից մեկը: Գորիից 12կմ հեռավորության վրա է գտնվում` Քուռ գետի ձախ ափին:

Խումբը այնուհետև կմեկնի Բակուրիանի, որը լեռնադահուկային կուրորտ է: