Երևան
Երևանը Հայաստանի Հանրապետության մայրաքաղաքն և միաժամանակ ամենամեծ բնակավայրը։ Երևանը աշխարհի հնագույն քաղաքներից մեկն է։ Մայրաքաղաք է համարվում 1918 թ-ից և 12-րդն է Հայաստանի պատմության մեջ։
Շիրակ
Մարզկենտրոնը Գյումրի քաղաքն է: Այն Հայաստանի Հանրապետության երկրորդ քաղաքն է: Շիրակի մարզի մյուս քաղաքներն են Արթիկը և Մարալիկը: Մարզը գտնվում է Հայ առաքելական եկեղեցու Շիրակի թեմի հովվապետության ներքո /առաջնորդարանը` քաղաք Գյումրիում/ :
Վայոց ձոր
Վայոց Ձորի երեք քաղաքներն էլ` Եղեգնաձորը, Ջերմուկը և Վայքը փոքր քաղաքներ են: Մարզկենտրոնը` Եղեգնաձորը, պատմական Սյունիքի հնագույն բնակավայրերից է: Մարզը սահմանակից է Արարատի, Գեղարքունիքի, Սյունիքի մարզերին, ԼՂՀ-ին և Նախիջևանի Ինքնավար Հանրապետությանը:
Սյունիք
Սյունիքը Հայաստանի Հանրապետության ամենալեռնոտ մարզն է: Նրա ամենաբարձր (Կապուտջուղ գագաթը` 3906մ) և ամենացածր (Մեղրու կիրճում` 375մ) կետերի բարձրությունների տարբերությունը մոտ 3500մ է, ավելի շատ, քան ՀՀ որևէ այլ մարզում:
Լոռի
Մարզկենտրոնը և ամենախոշոր քաղաքը Վանաձարն է: Լոռին մեծությամբ երրորդ մարզն է: Լոռու մարզում է գտնվում Հայաստանի ամենաերկար ավտոտրանսպորտային թունելը: Մարզի հիմնական ջրային զարկերակը Դեբեդ գետն է:
Տավուշ
Մարզը ներառում է 4 աշխարհների գավառներ ու գավառամասեր։ Ամենախոշոր քաղաքը Դիլիջանն է, որը զարգացած է որպես առողջարանային քաղաք, իսկ երկրորդ խոշոր քաղաքը Իջևանն է, որտեղ գործում է Երևանի պետական համալսարանի մասնաճյուղը:
Արարատ
Մարզկենտրոնը Արտաշատ քաղաքն է։ Տարածքը 2096 կմ² է:Արարատ մարզի քաղաքները չորսն են՝ Արտաշատ, Արարատ, Մասիս, Վեդի: Տարածքի միայն մոտ 30%-ն է հարթավայրային: Արարատի մարզը տնտեսապես ՀՀ ամենազարգացած մարզերից է:
Արմավիր
Տարածքի մեծությամբ ամենափոքր մարզն է: Այստեղ է գտնվում Արաքս գետի միջին հոսանքում կառուցված ավտոճանապարհային կամուրջը, որը Հայաստանը միացնում է Թուրքիային: Մարզկենտրոնը Արմավիր քաղաքն է, որը եղել է ՀՀ առաջին մայրաքաղաքը:
Արագածոտն
Հայաստանի մարզերից մեկն է, որը կազմավորվել է 1995թ. Ապրիլի 12-ին։ Մարզկենտրոնը Աշտարակ քաղաքն է։ Տարածքը` 2753 կմ քառ., բնակչությունը` 141 հազար մարդ։ Գտնվում է մայրաքաղաք Երևանի և ՀՀ ամենաբարձր լեռնագագաթի` Արագածի միջև։
Կոտայք
Մարզկենտրոնն է Հրազդան քաղաքը։ Այստեղ է գտնվում Հայաստանի լեռնադահուկային սպորտի կենտրոն Ծաղկաձորը: Մարզը լեռնային է, և հանդիսանում է միակ մարզը, որը պետական սահման չունի։ Մարզում է գտնվում նաև Բջնի հանքային ջրերի գործարանը:
Գեղարքունիք
Տարածքով ամենամեծ մարզն է: Մարզկենտրոնը Գավառն է,որը հիմնադրել են 1830 թ.: Սևանա լիճը ամբողջությամբ գտնվում է Գեղարքունիքի մարզում: Մարզի երկրորդ քաղաքը Սևանն է (նախկին` Ելենովկա), որը հիմնադրել են XIXդ. առաջին կեսին:
ԼՂՀ
ԼՂՀ-ն 1991թ. դեկտեմբերի 10-ից հռչակվել է անկախ, սակայն նրա անկախությունը միջազգայնորեն չի ճանաչվել: Անկախության տոնը նշվում է Սեպտեմբերի 2-ին:Ընդհանուր տարածքը կազմում է 11.458 կմ² և վարչատարածքայնորեն բաժանված է 8 շրջանի:
